قصة هزات خريبكةبنت تاقت فسيارة إسعافولكن الثقة تحولات اغتصاب

واحد البنت فعمرها 23 سنة نزلات من الكار ديال الرشيدية ، اليوم مع 4 ديال الصباح، فالمحطة ديال خريبكة .. كانت كتسنى الطاكسي ، جا عندها واحد السائق سيارة إسعاف خاصة وعرض عليها يديها للوجهة ديالها على سبيل المساعدة .

البنت شافت سيارة الإسعاف، وكان باقي الظلام، قالت “هذي توصيلة مؤمنة” ولكن المفاجأة كانت خايبة..

داها لواحد البلاصة خالية معروفة ب “تيروبيجو” ، وتما كتقول البنت جبد عليها السلاح الأبيض ومارس عليها الجنس سطحيا بالعنف .. ومنبعد قربها لوسط المدينة وحطها ..

البنت مسكتاتش، سجلات الرقم لي مكتوب على سيارة الإسعاف ومشات نيشان عند البوليس وعاودات ليهم كولشي ..

البوليس ملي تسنطو ليها دارو خدمة نقية ودارو ليه كمين على حقو وطريقو .. خلاو البنت تعاود تتاصل بيه وتقوليه مازال ملقاتش طاكسي وبغاتو يرجع يوصلها ..

صاحبنا جا متيق راسو .. لقى البوليس كيتسناوه وشدوه فالبلاصة.

المشتبه فيه الآن تحت الحراسة النظرية بأمر من وكيل الملك لاستكمال البحث والوقوف على جميع ملابسات هذا الحادث الي هز الرأي العام الخريبكي.